14/2 今年除左係情人節都係人日，仲要係正星期日！難我QT同男朋友都放假就決定去林村許願樹去感受下新年節氣又做下傳統野開心下！一去到已經聞到超香～
原來依許願樹旁開左好多美食檔有d仲有遊戲玩～ 甘為食嘅我當然開餐先啦！一黎就試好多人排隊嘅燒紫菜！成個頭甘大餅嘅～仲要成1cm厚～塗上左蜜糖燒汁加上海鹽燒～ 食落脆口不過有少少干同少少咸！同一檔仲有一口牛柳、燒金蠔、燒原隻鮮魷同超大串燒雞！而干貨方面我發現有即食海折～$100/10包！即買左$100！！
第二檔就一般特別：有烤軟殼蟹、一口黑毛豬、燒羊架！
黎到第三檔佢地專攻台灣同日本食品：台灣腸、豬樣包、鴨仔包、腸包腸等等，唔難食不過唔特別因為眼見佢地都係買現貨煮熱。
第4檔係QT最愛同最推介大家去！必食：波波菠蘿！原隻上細細個超鮮甜！$20 細size $30大size ! 其次係即製芒果糯米飯！你落order 先即切即做！芒果好甜勁大份～而且每日數量有限買完即止～ 最後要介紹埋佢地嘅泰式鳳爪！酸辣度岩岩好！
最後介紹埋個度唯一檔賣雪糕！正！想試中式口味有：羅漢果味/薑味 其餘有芒果、藍莓、蜜糖牛奶味 ！QT買左芒果味～ 好味道！ $30 ～
最後當然去到林村要食娥姐豆花！滑香！係每次到林村必食！我由細到大都係食娥姐～ 格黎個間後期開一般=.=最憎佢地態度差！我唔會再幫襯佢地囉！食過3次 3次都受氣！
食完 到許願樹許埋個願 買埋新鮮冬蜜 搭車走人～～
今年QT 飛個寶碟第二下就得左喇～ 真心希望世界和平！香港快快脫苦海！689收d收皮！香港有真普選！香港會有一班有用而會聽民意嘅政府真係幫到香港人！
林村新年市集只會開到 年初十五 （22/2） 大家想去就好去喇 ～ 如果唔係要等下年～
交通： 太和火車站轉63a ~ 走都係 （10分鐘唔洗到達）
Search